Më 17 korrik 2025, Takimi Kombëtar i Palëve të Interesuara Fizike u mbajt me sukses në Shqipëri. I organizuar nga HYDROWATER-ALBANIA si pjesë e projektit URBANFLOODS, me mbështetjen e anëtarit të projektit SHUKALB, eventi mblodhi përfaqësues nga institucionet kryesore kombëtare dhe lokale. Organizatat kryesore që morën pjesë në event janë si më poshtë:

• Autoritetet Publike Kombëtare: Agjencia Kombëtare e Mbrojtjes Civile; Ministria e Bujqësisë dhe Zhvillimit Rural (MBZHR); Instituti i Gjeoshkencave, Enti Rregullator I Sektorit te Furnizimit me Uje dhe Largimit e Perpunimit te Ujerave te Ndotura.
• Autoritetet Publike Rajonale: Bordi Rajonal i Ujitjes dhe Kullimit të Durresit; Qendra e Transformimit Bujqësor Fushë-Krujë.
• Autoritete Arsimore dhe te Kerkimit Shkencor: Universiteti Politeknik i Tiranës, Universiteti Bujqësor i Tiranës,
• Autoriteti Publik Lokal: Bashkia e Tiranës, Ujesjelles – Kanalizime Tirane
• Organizatat Mbështetëse të Biznesit: Shoqata e Furnizimit me Ujë dhe Kanalizimeve të Shqipërisë (SHUKALB), Instituti i Menaxhimit Mjedisor dhe Territorial, Furnizimi me Ujë dhe Kanalizimet e Tirane UKT, Maccaferri Balkans, IDRA, Studio-Rebus. Shpk, ETMI etj.

Qëllimi kryesor i takimit ishte forcimi i bashkëpunimit midis palëve të interesuara dhe përmirësimi i përpjekjeve për parandalimin e përmbytjeve dhe menaxhimin e riskut në Shqipëri. Axhenda përfshinte:
• Hyrje në Projektin URBANFLOODS – Përmbledhje e objektivave të projektit dhe rezultateve të pritura – Analizë e rregulloreve ekzistuese dhe përgjegjësive institucionale në Shqipëri.
• Përshkrimi i Zones Pilot për lumenjtë e Tiranës dhe Lanës.
• Mbledhja aktuale e të dhënave dhe Integrimi i të dhënave;
• Rezultatet fillestare për Hidrologjinë, Modelimin dhe Testimin e Përmbytjeve
• Diskutim mbi sfidat, praktikat më të mira mbi Përmbytjet në zonën pilot

Reagimet e palëve të interesuara u mblodhën direkt gjatë takimit në një seancë interaktive pyetje-përgjigje, duke u lejuar pjesëmarrësve të shprehin mendimet, shqetësimet dhe sugjerimet e tyre në lidhje me zbatimin e projektit URBANFLOODS, angazhimin e palëve të interesuara dhe aspektet teknike të menaxhimit të riskut të përmbytjeve. Pavarësisht pyetjeve të ngritura, palët e interesuara shprehën mbështetje të fortë për projektin dhe një nivel të lartë kënaqësie me takimin. Pjesëmarrësit vlerësuan qasjen bashkëpunuese dhe njohën rëndësinë e angazhimit të vazhdueshëm gjatë gjithë kohëzgjatjes së projektit. Shumica e palëve të interesuara konfirmuan gatishmërinë e tyre për të marrë pjesë në takimet, punëtoritë dhe konsultimet e ardhshme të projektit.